ఆకలి అని అడగలేనప్పుడు కూడా
గోరు ముద్దలు తినిపించే...... ఆ తీపి క్షణం!
దెబ్బ తగిలి బాధ తో అరిస్తే, అయ్యో అని పరిగెత్తుకు వచ్చే..... ఓ ఆత్రుత క్షణం !
తప్పులు చేసినా,వెన్ను తట్టి,
మంచిని బోధించే......... ఓ గురువైన క్షణం!
నువ్వు చేసిన చిలిపి చేష్టలకి,
ముద్దాడే ........ ఓ మధుర క్షణం!
నువ్వు చేసిన మంచి పనులకు కన్నీళ్లు తెచ్చుకుంటూ,
గర్విస్తూ ప్రోత్సహించే ...... ఓ ప్రోత్సహ క్షణం!
కష్టాల్లో ఉన్నప్పుడు ధైర్యం చెప్పే,
....... ఆ చైతన్య క్షణం!
నువ్వు దూర ప్రాంతానికి వెళ్తున్నప్పుడు,
....... మనల్ని వీడలేని క్షణం!
ఈ క్షణాలన్నింటిలో గుర్తు తెప్పించే ఓ మధురమైన భావం
నిర్వచించడానికి పదాలు సరిపోని ఓ గొప్పదైన మూర్తి అమ్మ! అమ్మ!
